Januarie 2025
19 Januarie 2025
09:00 – Erediens met tema: Het jy geweet dat God in jou glo? word gelei deur Rudi Swanepoel
Skriflesing: Markus 1 : 16-20 (2020 vertaling)
Deurkollekte: ADB Bergsorg/Voedselfonds
Lief en Leed
Enigiemand wat graag besoek van Rudi Swanepoel wil ontvang kan die Kerkkantoor kontak om ‘n afspraak te reël.
- Gee asb gereeld name vir gebedsondersteuning deur na die Kerkkantoor by 011 782 5231
- Nuwe lidmate meld asb aan by die teetafel ná die diens vir verwelkoming en kontakbesonderhede of kontak die Kerkkantoor 011 782-5231.
Aktiwiteite
- Goeiedag Forum-vriende! Ons hoop 2025 het goed afgeskop vir elkeen en sien uit na die eerste samekoms Dinsdag 28 Januarie 10:00 tot 11:30 met verversings en lekker opvang. Berei voor om af te spreek wie leiding gaan neem vir spesifieke aksies wat reeds in 2024 voorgestel is, bv Bak&brou/naaldwerk/brei/lappies, reel van ‘teaterspel’, musiekoptredes, besprekings temas en sprekers …sommige waarvan teen koste bygewoon kan word tot voordeel van ADB se fondse. Dan het Gerhard Moolman ingestem om sekere fasette van sy alleen-reis oor 37 dae met sy enkel-kajak in die Atlantiese oseaan Dinsdag met ons te deel… en wat dit geverg het om dit te oorleef. ‘n Lekker vol program met Rudi wat ons gaan inspireer met sy Nuwejaarswens tot uitbouing van ADB se missie as ‘n Koninkrykskerk! Hartlike groete, Pieter en Karina
- Teeskinkbeurte 2025 – Baie dankie aan almal wat in 2024 gehelp het om tee te skink op Sondae. Ons gaan weer in 2025 van die groepe in die gemeente gebruik om hiermee te help. Laat weet asb waar jy beskikbaar kan wees. Mari vd Bergh 0839528197
Advertensies
- Bonthle, my een maal per week huishulp, sy het ook basiese opleiding as ‘n versorger, soek nog werk vir twee/drie dae ‘n week. Sy’s jonk, intelligent en ‘n betroubare werker. Kontak Rika Borthwick by 084 216 0674.
- TE HUUR: Ruim, netjies en stylvolle Tuinwoonstel in stil woonbuurt @ R8 650 per maand. Luuks gemeubileer, privaat ingang met onderdak parkering, stil, sentraal, boomryk, veilig, swembad, elektriese omheining, sonkrag (géén beurtkrag). Onbeperkte blits-vinnige internet, water, asook weeklikse skoonmaak ingesluit. Uitstekende waarde – ideaal vir enkel werkende persoon. Kontak 082 465 6306 of 082 920 6163.